A vaga de incendios parece dar unha tregua tras queimar máis de 1.000 hectáreas en tres días

|

As chamas seguen ardendo en varios puntos de Galicia -con  polo menos un novo incendio fortestal en Xinzo de Limia- pero xa non hai lumes fóra de control tras quedar contido o que consumiu case 200 hectáreas en Ribeira.


DEVASA INCENDIO RIBEIRA



Devasa realizada no incendio de Ribeira nunha imaxe da BRIF de Tabuyo




O incendio que afecta o municipio coruñés de Ribeira (A Coruña) e ao concello veciño de Porto do Son permanece estabilizado desde lal 09,35 horas deste domingo, despois de arrasar 175 hectáreas de superficie, segundo as estimacións provisionais da Xunta.





Ademais, a Consellería do Medio Rural publicou un último parte da situación no que informa de que o lume que se prendeu en Zas-Muíño (A Coruña) quedou extinguido ás 11,15 horas desta xornada, despois de queimar 20,9 hectáreas e no que participaron nove axentes, 10 brigadas, sete motobombas e dúas pas.

No caso do incendio estabilizado en Ribeira, o departamento explicou que presenta "unha evolución favorable" e que os servizos de extinción mobilizados contaron con 22 axentes, 36 brigadas, 23 motobombas, dúas pas, nove helicópteros, cinco avións e efectivos da Unidade Militar de Emerxencias (UME).


ACTIVOS PERO BAIXO CONTROL

Outros grandes focos que seguen baixo control son os de Monforte de Lemos (Lugo), con 465 hectáreas afectadas. 



O de Lobeira (Ourense), que se levou por diante 150 hectáreas dentro do Parque Natural de Ou Xurés, tamén está controlado.



A melloría na situación débese, entre outros factores, a que a climatoloxía, sendo adversa, non o é tanto como os pasados días.




Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress