"A prostitución é escravitude", lembra a presidenta provincial de Pontevedra tras a suspensión do 'churrasco topless'

|

O club 'Mont Parnasse' de Meis non poderá organizar o polémico evento despois das accións do concello


A presidenta da Deputación de Pontevedra, a socialista Carmela Silva, aplaudiu á alcaldesa de Meis (Pontevedra), Marta Giráldez, pola súa decisión de impedir legalmente a celebración dunha polémica festa organizada para este venres polo club de alterne 'Mont Parnasse', que tiña como reclamo a repartición entre a súa clientela de churrasco gratis servido por camareiras en 'topless'.


Rolda de prensa da presidenta da Deputación de Pontevedra, Carmela Silva.
A presidenta provincial  asegura que "os clubs de alterne teñen que desaparecer" e identificou que a prostitución "é escravitude". "Que ninguén o tente ocultar. É un uso cosificado dos corpos das mulleres que se venden no mercado e que compran os homes", asegurou.

COMPARA OS CLUBS CON CAMPOS DE CONCENTRACIÓN
Neste sentido, non dubidou en sinalar que "a prostitución é unha das secuelas máis graves" que sofren as mulleres. "É terrible cando un vai polas estradas nacionais e ve un club de alterne tras outro, cada vez que vexo iso vexo campos de concentración de mulleres", comentou Carmela Silva.

Finalmente, a presidenta de Deputación de Pontevedra apuntou que "se non houbese clientes non habería clubs de alterne" e compartiu a súa preocupación polo feito de que "a xente nova está a educarse a través da pornografía libre, á que poden acceder nos móbiles, é tremendo". "Temos que tomar decisións moi firmes contra estas cuestións", concluíu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress