O Obradoiro ficha o xogador que máis triplos anotou na historia da liga universitaria de EE.UU.

|

Cunha media de anotación de máis de 20 puntos por partido nos dous últimos anos, o mozo aleiro destaca pola súa facilidade para anotar de tres, o que lle valeu varias distincións


Este escolta de 1,91 metros e 22 anos procede da Universidade de Wofford, coa que  promediadou 20.3 puntos (49.3% en tiros de dous, 41.9% en triplos e 91.0% en libres), 2.5 rebotes e 1.6 asistencias en 31.4 minutos de xogo. Destacan especialmente os 158 triplos que anotou nos 35 partidos da súa última campaña, que lle valeron –cos que conseguira en campañas precedentes- para bater o récord de triplos anotados na historia da NCAA.


Fletcher magee

A fichaxe do Obradoiro competiu catro anos na primeira división da liga Universitaria | Rikster2  wikimedia Creative Commons Attribution-Share Alike 4.0 International  


Licenciado en Socioloxía, o estadounidense completou un gran ciclo universitario, coroado polo campionato da Southern Conference, da que tamén foi Xogador do Ano e MVP do Torneo.


Recentemente concluíu a súa participación na liga de Verán da NBA, cos Milwaukee Bucks (4.0 puntos e 1.0 rebotes en 11.7 minutos).


O DESAFÍO DE DEBUTAR COMO PROFESIONAL

“Con Fletcher incorporamos a un xogador capaz de anotar, principalmente a través do tiro e desde diferentes rexistros, o que lle converte nun xogador adecuado para a nosa maneira de xogar. Vén con boas referencias deportivas e humanas na súa primeira experiencia profesional, a un novo país e Liga, o que supoñerá para el unha importante esixencia mental e física para as que pensamos que está preparado”, afirma o director xeral do club, José Luis Mateo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress