Aprazadas as declaracións pola retirada de documentos oficiais do concello da Cañiza

|

O Xulgado de Instrución número 2 de Ponteareas pospuxo as declaracións da secretaria particular do exalcalde 'popular' da Cañiza (Pontevedra), Miguel Domínguez, e doutros dous empregados municipais, en calidade de investigados, pola retirada de documentos do Concello.


A Garda Civil incáutase de vídeos do Concello da Cañiza tras a denuncia pola retirada de documentos



Segundo confirmaron a Europa Press fontes coñecedoras do caso, a vista foi posposta para o vindeiro martes, día 9 de xullo, cando as tres persoas deberán, investigadas por infidelidade na custodia de documentos, declarar. A instrución xudicial atópase en fase de dilixencias previas.


En concreto, os feitos tiveron lugar o pasado 13 de xuño, dous días antes de que o novo alcalde, Luís Piña, do PSdeG-PSOE, fose investido e puxese fin a 40 décadas de rexedores 'populares' na localidade.


Nesa data, varios veciños informaron a membros do PSOE de que operarios municipais comezaran a retirar arquivadores e cartafoles de documentos do Concello para depositalos nos seus vehículos particulares. Despois que ser alertados do ocorrido, axentes da Garda Civil interceptaron un dos coches, aínda que outro puido abandonar a zona con documentos procedentes do Consistorio.


Os arquivadores intervidos, entre os que se atopa información sobre dietas, foron precintados e postos a disposición xudicial. Ademais, o xulgado recibiu as gravacións das cámaras de seguridade do Concello.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE