​San Xoan deixou toneladas de lixo repartidas polas praias galegas

|

As celebracións na Coruña deixaron estampas terribles nas praias de Oza, Orzan e Riazor, onde os asistentes, aínda que deixaron menos cantidade de lixo que outros anos, seguen despreocupándose de recoller os seus desperdicios.


San juan lixo

Os asistentes ás fogueiras deixaron unha gran cantidade de lixo nas praias 


A noite de San Xoan deixa decenas de incidencias por toda Galicia e quilos e quilos de lixo que, en moitos casos, acaban irremediablemente no mar arrastrados pola marea. Aínda que este ano advertiuse por activa e por pasiva que os asistentes aos festexos na praia debían ser especialmente coidadosos cos seus residuos, a xornada pechouse outro ano máis cos operarios de limpeza municipal retirando grandes cantidades de lixo dos areais galegos.


Esa situación é común a todas as localidades costeiras de Galicia, pero especialmente dolosa na Coruña, capital do festexo que dá inicio ao verán. Na cidade herculina se  tomaron todas as medidas posibles para evitar incidencias e desenvolveuse un dispositivo de seguridade con máis de 500 efectivos. A propia Inés Rey, alcaldesa da cidade, supervisou persoalmente o dispositivo de seguridade e insistiu na necesidade de “erradicar os plásticos das praias”.



"Tomemos conciencia deste problema e procuremos levar á praia envases biodegradables, bolsas de cartón e evitemos os envases e botellas de plástico. Estamos a traballar nunha campaña para a próxima edición que elimine a sucidade e a estampa coa que amence a praia cada ano. Pensemos en que ese espazo natural é patrimonio da cidade e debemos coidalo entre todos", pediu a alcaldesa antes dos festexos. A súa advertencia non tivo o efecto desexado e as praias da Coruña volveron amencer sepultadas baixo bolsas, botellas de cristal e envoltorios de plástico.


MENOS CANTIDADE

A pesar das terroríficas imaxes e que moita dese lixo acabou no mar, desde Bombeiros Coruña informaron que, a diferenza doutros anos, nesta ocasión a cantidade de lixo foi menor na praias de Riazor e Orzán.


Xente san juan


Miles de persoas abarrotarón Riazor


Aínda que os labores de limpeza comezaron ás 6 horas co peche da praia, a limpeza dos areais prologouse durante horas. Desde os bombeiros felicitáronse pola baixada na cantidade de residuos, aínda que sinalaron que aínda “hai moita xente que segue sendo gañana”, aínda que subliñou que “a cidadanía comeza a concienciarse co lixo”.



Do mesmo xeito, destacou o labor dunha moza que iniciou os labores de limpeza pola súa conta. “Destacar á moza da foto, que estivo máis de 45 minutos limpando e recollendo o lixo de outros. Un agradecemento para ela”, reclamaron os bombeiros herculinos. Un exemplo para a maioría.    


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress