O PSOE busca que Santander e Bankia axuden a que Cidadáns se absteña

O ministro de Fomento José Luís Ábalos é o responsable de executar a manobra socialista para tentar convencer aos laranxas de que se absteñan, algo que lles pide mesmo Mariano Rajoy. Por agora, as entidades bancarias gardan distancias mentres non se aclare o escenario político, pois por unha banda o PSOE faille as beiras a Cidadáns e por outro cultiva a relación cos nacionalistas con pactos como o de Navarra e o diálogo con Esquerra.

Goberno central iniciou unha rolda de contactos cos grandes bancos co fin de que presionen a Cidadáns para lograr a investidura de Pedro Sánchez, pero a resposta de entidades financeiras como o Santander e Bankia foi negativa.

Pedro Sánchez e Ana Botín, presidenta do Santander, separados pola ex-alcaldesa de Madrid, nun pasado acto esta primavera

O propio Sánchez insistiu na responsabilidade dos grandes partidos (PP e Cs) para non bloquear a investidura e non obrigar a repetir eleccións.

MOVEMENTO DE ÁVALOS

En paralelo, quen aparentemente parecía o socio maioritario do PSOE, Unidas Podemos, non definiu claramente a súa postura, no medio das negociacións entre partidos.

Co obxectivo de convencer a Albert Rivera, hai uns días o ministro de Fomento, José Luis Ábalos, iniciou unha rolda de contactos con dirixentes do sector bancario co fin de achegar posturas con Cs para que apoien a investidura do líder socialista.

A mensaxe de Santander e Bankia é o de desmarcarse destas negociacións políticas e de separar o traballo dos bancos das tarefas do Goberno.

O PSOE INSISTE EN QUE SACARÁ ADIANTE A INVESTIDURA O PRÓXIMO MES

Segundo as previsións, o pleno de investidura no Congreso dos Deputados farase en xullo.

Tras o pacto en navarra segundo o cal o PSOE entrega o Parlamento a Geroa Bai e EH Bildu, desde PP e Cs rexeitan facilitar a chegada de Sánchez á Moncloa, polo que os escenarios continúan abertos.