Depor pasa á final e roza o ascenso
A escuadra branquiazul espera na final dos playoff de ascenso ao vencedor do Mallorca – Albacete.
A escuadra branquiazul espera na final dos playoff de ascenso ao vencedor do Mallorca – Albacete.
Nin o afeccionado máis optimista creuse fai un par de meses, co equipo naufragando en liga e o presidente saíndo pola porta de atrás, que o Deportivo da Coruña ía estar tan preto do ascenso. Os de Pep Martí están a un paso de regresar a Primeira División despois de superar ao Málaga en Riazor e na Rosaleda, de onde se foron cun solvente 0-1.
Os branquiazuis expuxeron en Andalucía un partido serio, co obxectivo de facer boa a renda de dous goles que se traían de casa. Pero non todo foi coser e cansar. Ao pouco de empezar Ontiveros, un home ao que a división de prata sábelle a pouco, estrelou na madeira a primeira tentativa malaguista. Pouco despois, outro derechazo de Ontiveros foi repelido polo traveseiro, noutra ocasión clara dos locais.
Xa no segundo tempo, o Málaga seguiu co seu acoso e derriba, pero atopándose sempre cunha zaga ben ordenada ou cun Dani Giménez inspirado. O Deportivo en cambio non necesitou máis que un inocente disparo de Bergantiños, coa inestimable colaboración de Munir, para establecer o definitivo 0-1 e levar aos herculinos á final.
Agora o seguinte rival sairá do duelo que enfronta a Albacete e Mallorca. De Castela-A Mancha ou as Illas Baleares sairá a pugna por un posto en Primeira División. En Riazor xa esperan impacientes.
Escribe o teu comentario