Falece unha parella de mozos nun accidente de tráfico na Pobra do Caramiñal
A colisión entre dous vehículos ocorrida pasadas as seis e media da tarde obrigou a cortar a estrada entre Ribeira e A Pobra do Caramiñal, na provincia da Coruña, nos dous sentidos de circulación.
Nun principio a información facilitada pola Policía Local de Ribeira en torno ao sinistro producido na AC-305, á altura de Palmeira, na localidade da Pobra, sinalaba que había feridos, sen concretar a gravidade. Máis tarde, confirmouse o falecemento dos dous ocupentas dun dos vehiculos, unha parella de mozos, e o traslado grave ao Hospital de Santiago da muller que conducía o outro turismo.
Ata o lugar, desprazáronse efectivos da Policía Local de ambas as localidades, os bombeiros, que tiveron que proceder á excarceración dun dos ocupantes dun dos vehículos, así como efectivos do 061-Urxencias Sanitarias.
O corte de tráfico afecta ás dúas direccións da estrada e está a provocar importantes retencións na circulación, ao tratarse dunha zona próxima ás praias, segundo sinalou a Policía Local.
Escribe o teu comentario