Transportes Pacholo sinala a un “grupo de condutores chantaxistas” como causa da folga en SOGAMA

|

A empresa realizou unha rolda de prensa na que puxo en contexto a situación actual, denunciou os malos tratos intencionados durante anos dos condutores aos camións con “choques intencionados contra columnas” e a negativa para reincorporar aos traballadores despedidos. Ademais, deixou a porta aberta á posibilidade de eliminar a división encargada do transporte de lixos.


28A.- Feijóo cancela un acto na praza de Abastos de Santiago, onde había unha protesta de transportistas de Sogama

Protesta dos traballadores en folga


“Está a facernos coñecidos unha folga que vos aseguro que non merecemos”. Así arrincou a rolda de prensa de Transportes Pacholo, empresa de transporte de residuos urbanos que traballa con SOGAMA, no ollo do furacán despois de que os seus traballadores puxéronse en folga. “Aínda non me explico como aguantamos tanto, nin como chegamos a esta situación”, lamentou Óscar González, administrador da empresa.


No comunicado, a empresa fai fincapé en que é un compañía “humilde” e que carrexa ás súas costas “moitos anos de experiencia” no sector do transporte. Para a empresa, a firma coa UTE Renfe-Copasa-Logirail en 2016 para o transporte de residuos de SOGAMA, supuxo unha lombeirada que os levou a ampliar o persoal para poder realizar o servizo nas mellores condicións.


PRIMEIROS PROBLEMAS

O administrador narrou que desde o principio sucedéronse “unha serie de situacións” que “fixeron case imposible traballar dentro da normalidade”. González expón que, unha vez superado o período de proba, unha parte dos condutores empezaron a cuestionar o salario que percibían e o horario das quendas “elevando a tensión”. Nesa liña, o administrador advertiu que as quendas eran “similares” aos que os transportistas contratados tiñan en Transportes Pellejero, a súa anterior empresa.


“Pero a partir dese momento, o mesmo grupo de condutores xeneraliza e estende a conflitividade: protestas polos contedores, polos camións, polos semirremolques, por un cuadrante distinto, por querer cobrar máis….chamadas continuas desde as 4 da mañá ata as 12 da noite, ante calquera dúbida ou mini problema, e isto por condutores algún deles con máis de 15 anos de experiencia no servizo”, sinalou González, que cedeu ás demandas dos traballadores “co fin de mellorar as súas condicións e conciliación familiar”.


SITUACION ENQUISTADA

A pesar dos cambios que afirma realizar a empresa, o servizoseguiu empeorando e a produtividade caeu en picado”. “Só pasaran cinco meses e a UTE e SOGAMA mándannos queixas por como se realiza o servizo: golpes nas plantas de transferencia, demoras nos cambios de contedor, malos modos con traballadores doutras empresas…”, argumentou González.


Tras unha folga no nadal de 2016, onde os traballadores lograron as súas reivindicacións, os problemas non cesan, relacionados con “faltas de respecto continuas” a outros membros do persoal e rozamentos entre compañeiros. Ademais, González indicou que nesa época empezáronse a “boicotear” os camións.


“Mecanicamente os camións foron maltratados producíndose, curiosamente, unha clara diferenza entre unhas zonas e outras, non xustificadas pola tarefa realizada e se polos condutores que a realizan; os cambios de cristais de portelo, de espellos, de estribos…”, sinalou, subliñando que entre 2016 e 2017 “o incremento do gasto en mantemento foi de 180.000 euros”. “Ata houbo casos de esquecerse de poñer o freo de man co camión en rampla e acabar este estrelándose contra unha casa”, criticou González.


Na mesma liña, o administrador notificou queixas dos condutores por “pequeñeces” como negarse a conducir “porque teñen moscas na cabina e queren que alguén llas quite”. Así, denunciou que os incumprimentos na realización dos labores foron “reiterados”, como “choques intencionados contra columnas con desfeitas na cabeza tractora” ou as “case dous mil reparacións de contedores en tres anos”.


Basuracamion

A empresa denuncia desfeitas intencionadas contra os camións


“NON PODEMOS FACER MÁIS”

Ante esta situación de inestabilidade, e cun persoal que no verán de 2017 pasou a ser de 92 traballadores (“máis os das subcontratas”), o servizo segue presentando deficiencias. González afirma que chegaron a transportar “contedores baleiros”, cunha diferenza de 20 toneladas entre un baleiro e un cargado, alegando que “non se deron conta”. Esa situación, levou á UTE “para contratar a outras empresas e a retirar servizos” que antes facía Transportes Pacholo.

Chega un momento que non podemos facer máis: respectamos horarios a machada, pagamos as nóminas antes do día 5 de cada mes, melloramos en seguridade laboral, en condicións económicas…esgotamos todas as posibilidades, pero o traballo segue sen facerse de forma correcta”, insiste o administrador.


“Sufrín esta situación desde un plano económico con perdas económicas no servizo, vin como a empresa que me contratou foi reducíndome o traballo ante o servizo prestado e todo iso nun camiño que non parece saberse onde termina no que unha parte dos traballadores só sabe falar de dereitos e nunca de deberes”, esgrime González, apelando á súa situación particular. “Levo desde os 14 anos traballando en transporte como para saber cando un condutor fai ben ou mal as cousas….e aquí houbo algúns que quixeron facer e fixeron moitas cousas mal e con moi poucas consecuencias”, critica.


Do mesmo xeito, tacha de falsidade que se rebaixaron os salarios un 40%, subliñando que “nalgúns casos chegan a cobrar 2.403 euros ao mes” e que tampouco presionaron nunca para “incumprir as normas de tráfico e de seguridade”.


FOLGA ACTUAL

Na actual folga dos traballadores, González detallou que se produciron “sabotaxes das bombonas de suspensión de camións, rodas picadas, cortes de cintos de seguridade, e ata un camión apedreado e o seu condutor obrigado a baixar e cercado polos seus propios compañeiros”.


Para pechar a súa intervención, o administrador argumentou que tentaron “por todos os medios” prestar “un bo servizo”, pero que foi imposible “por un grupo de condutores que nos fixeron moito dano persoal, profesional e empresarial a Transportes Pacholo coas súas chantaxes”.


Pensamos renunciar a este negocio e centrarnos nas Mercadorías, onde levamos moitos anos cun persoal profesional á que quero agradecerlle o seu esforzo e dedicación constante sobre todo nestes tres anos”, advertiu González, deixando a porta aberta a un posible peche á división do transporte de lixos.


Ademais, volveu reafirmar na súa negativa de non contratar aos oito traballadores despedidos, unha das reivindicacións dos traballadores en folga. “Transportes Pacholo non readmitirá a traballadores debido á redución da carga de traballo, na que tiveron moito que ver comportamentos inadecuados dalgúns condutores que nos causaron tanto dano en tan pouco tempo”, indicou, recalcando que a empresa “non os quere en persoal polas súas actitudes, o seu boicot e o seu comportamento”

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress