Un incendio con varios focos arrasa 70 hectáreas en dúas horas

Un incendio atópase activo esta tarde no municipio ourensán de Vilariño de Conso, onde arrasou unhas 70 hectáreas en pouco máis de dúas horas.

Segundo informa a Consellería do Medio Rural o incendios declarouse con "varios focos" ás 16,20 horas na parroquia de Sabuguido. A superficie queimada é provisional.

Ata Vilariño de Conso desprazáronse diversos medios como sete helicópteros, catro motobombas, oito brigadas e catro axentes, indica a Xunta.