Problemas en varios PACs por falta de médicos e enfermeiras

|

A Xunta obriga a un 100% de servizos mínimos na folga dos Puntos de Atención Continuada (PACs) do SERGAS; pero o certo é que a propia Administración non dota todas as prazas con médicos e enfermeiras suficientes, denuncian os folguistas


O colectivo PACs en pé de guerra denuncia falta de profesionais médicos en varios centros de saúde da área da Coruña: Cambre, Carballo, Arteixo e a propia capital herculina.



Protesta este domingo 12 de agosto ante os PAC de Galicia

Unha pasada protesta dos traballadores sanitarios


Así, segundo os seus datos, a noite do luns o funcionamento do PAC da Casa do Mar sufriu atrasos porque un dos galenos tivo que ir cubrir a ausencia dun compañeiro en Cambre. Sucede que nesa vila o SERGAS só destina un médico ao PAC. Ademais, "esa mesma tarde desde as 15 ás 18 horas o PAC de Carballo estivo cun médico de menos".


Ademais, o PAC do SERGAS en Arteixo este sábado "non tivo enfermería dispoñible no centro durante a maior parte da tarde , pois a única dispoñible estivo a atender domicilios e emerxencias fose do centro". Logicamente, isto causou importantes atrasos aos pacientes. O colectivo lembra que Arteixo ten máis de 30.000 habitantes e a súa PAC só dispón dun equipo ; "con reforzos puntuais que nin sequera son equipos completos". 


Por agora, o SERGAS non respondeu ás críticas lanzadas por PACs en pé de Guerra. Cando hai falta de galenos, a Xunta adoita escudarse na falta de profesionais nas listas de contratación. Escusa non válida para o caso de Arteixo, pois non hai déficit de profesionais de enfermería nesas listas.


Hai que lembrar que os PACs levan semanas en folga demandando melloras laborais e profesionais. Por agora, non hai acordo.


SERVIZOS MÍNIMOS PARA OS TRABALLADORES, PERO NON PARA O SERGAS

O impacto do paro está limitado polos servizos mínimos, do 100%. Os folguistas argumentan que casos como os denunciados, nos que médico ten que saír do seu posto de traballo habitual a cubrir a ausencia dun compañeiro ou urxencias,  quedando o seu labor habitual sen cubrir; demostra que é a propia Xunta quen está violando eses servizos mínimos, ao non dotar de persoal suficiente para que todas as consultas teñan persoal.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress