Ourense empeza a arder en febreiro

Varios incendios forestais afectan este martes a diferentes municipios da provincia de Ourense. Ata as 18,00 horas queimaban unha superficie dunhas 45 hectáreas, segundo a información facilitada pola Consellería do Medio Rural a Europa Press.

|

Varios incendios forestais afectan este martes a diferentes municipios da provincia de Ourense. Ata as 18,00 horas queimaban unha superficie dunhas 45 hectáreas, segundo a información facilitada pola Consellería do Medio Rural a Europa Press.



Incendio forestal carballiu00f1ou foto emerxencias ourense

Incendio no Carballiño | @EmerxenciasOu


Polo momento, os dous lumes con máis hectáreas afectadas son os rexistrados nos municipios do Carballiño e A Mezquita, con polo menos 20 hectáreas en cada un. Tamén se rexistrou un incendio en Xunqueira de Ambía.


No Carballiño está activo un lume desde as 16,01 horas na parroquia do mesmo nome. Traballan un helicóptero, tres motobombas, catro brigadas e tres axentes.


A parroquia de Castromil, do municipio ourensán da Mezquita, rexistra un incendio forestal que afecta, segundo as primeiras estimacións, a máis de 20 hectáreas. O lume iniciouse ás 14,50 horas e mobilizáronse dous axentes, dúas brigadas, dúas motobomas e un helicóptero.


Pola súa banda, no concello de Xunqueira de Ambía arderon cinco hectáreas, tres delas arborizadas. O lume empezou preto das 13,00 horas e extinguiuse ás 17,00. Entre outros medios participaron un helicóptero, dúas motobombas e cinco brigadas.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE