Ataque racista contra un líder local de Cidadáns

"Coidate sudaka de merda" e "coidate sudaca hdp" son algunhas das pintadas que apareceron no negocio do líder laranxa en Ortigueira

O exterior dun local de hostalería de Ortigueira (A Coruña) que rexenta Javier Otero, portavoz de Cidadáns neste municipio, apareceu este martes día 12 con varias pintadas de tipo xenófobas e racista na zona da súa fachada.

Pintada racista en Ortigueira | Somos Ortigueira Facebook

Este veciño de Ortigueira leva máis de dúas décadas asentado neste municipio, onde chegou en busca das súas raíces e procedente de Montevideo, en Uruguai.

Tras este acto vandálico no Bar Pizzería Vos Arcos, situado na rúa Manuel Sandomingo, foron moitos o que utilizaron as redes sociais para mostrar a este hostaleiro e á súa familia a súa solidariedade e condenar este ataque.

Así mesmo, clientes deste local de hostalería decidiron trasladarlle o seu apoio á familia de maneira persoal durante toda a xornada do martes.

Mentres, a Garda Civil trata de identificar o autor ou autores destes feitos.

Varios rivais políticos, como o PP e Somos Ortigueira, xa expresaron o seu solidariedad co cidadán ameazado.