Galicia, última en previsión de crecemento económico para este ano

Mentres España crecerá de media un 2,3; Galicia e A Rioxa son as únicas que quedan por baixo do 2%

O Centro de Predición Económica (Ceprede) publicou este martes o seu previsión do avance autonómico do Produto Interior Bruto para 2019, análise que reflicte que Galicia crecerá a un 1,8%, do mesmo xeito que A Rioxa, as dúas únicas comunidades que sitúa por baixo do 2% de crecemento.

Mapa do estudo do CEPREDE

Tras a última incorporación dos datos mensuais, o Centro de Predición Económica sinala que seis comunidades terán un avance igual ou superior á media nacional (2,3%). Así, Murcia continúa situándose como a rexión máis dinámica en 2019, cun avance previsto do 2,8%. Tras ela atoparíanse Aragón (2,6%), Madrid (2,6%), Andalucía (2,5%), Baleares (2,5%) e Cataluña (2,4%).

Ademais, para as comunidades de Asturias e Castela-A Mancha, Ceprede prevé un crecemento igual ao da media nacional. Por baixo desta media sitúase o resto de comunidades, con avances que se concentran especialmente no rango comprendido entre o 2% e o 2,2%.