Malos datos mensuais do paro

O número de parados rexistrados nas oficinas dos servizos públicos de emprego (antigo Inem) subiu en 5.505 persoas en xaneiro en Galicia (+3,25%), segundo informou o Ministerio de Traballo, Migracións e Seguridade Social. 

Galicia ten 15.086 parados menos que hai un ano, con cifras similares a hai unha década, ao comezo da crise. As afilacións levan cinco anos de subida , cun aumento de case o 2% o último ano. 

No ámbito estatal, tamén se rexistrou un crecemento con 83.464 desempregados en xaneiro (+2,6%), o seu maior alza neste mes desde 2014, cando o paro incrementouse en máis de 113.000 persoas.

Tras o repunte de xaneiro, o volume total de parados sitúase en todo o Estado en 3.285.761 desempregados, unha cifra que no caso de Galicia alcanza as 174.800 persoas.

DATOS POR SECTORES
Tras o fin da campaña de Nadal, o aumento do paro deixouse notar a nivel estatal no sector servizos, que sumou 85.584 parados en xaneiro (+3,8%), seguido da agricultura, con 4.920 desempregados máis (+3,5%), e da industria (+1.202 parados máis, +0,4%). Por contra, o desemprego baixou na construción (-6.896 desempregados, -2,5%) e no colectivo sen emprego anterior (-1.346 parados, -0,5%).

DESEMPREGO POR PROVINCIAS
Por provincias, A Coruña, con 69.295 parados, foi a que máis creceu no número de desempregados (+3,90%), seguida de Lugo (+3,82%), rexistrando 623 parados máis en xaneiro nunha provincia con 16.936 desemplados.

En Pontevedra, con 69.208 parados, o aumento foi do 3%, con 2.106 desempregados máis en xaneiro, mentres que en Ourense rexistráronse 262 novos desempregados (+1,37%) nunha provincia con 19.361 persoas en situación de desemprego.

Do total de parados que hai en Galicia, as mulleres seguen rexistrando a maior cifra de desemprego, un total de 99.614 fronte aos 75.186 homes en situación de desemprego. Este dato invístese no caso dos menores de 25 anos, cun total de 8.324 desempregados. Deles, 4.293 son homes e 3.941 mulleres.

Por sectores, o dos servizos, do mesmo xeito que ocorreu no conxunto estatal, é o que rexistrou o maior incremento con 5.537 parados máis. Na agricultura, houbo en xaneiro 76 novos desempregados, mentres que na industria foi de 13 persoas o citado mes. Só na construción rexistrouse un leve descenso, con tres parados menos.

Dos 174.800 desempregados que hai en Galicia, o sector servizos é o que rexistra o maior número de persoas en paro, un total de 119.486; seguida da industria, con 19.706; a construción, con 14.960, e a agricultura, con 6.659 persoas en paro. A cifra dos que figuran sen emprego anterior sitúase en 13.989, un dato que en xaneiro rexistrou un descenso de 118 persoas.

CONTRATACIÓNS
Por outra banda, en xaneiro rexistráronse en Galicia un total de 82.401 contratos, un 2,65% máis que en xaneiro de 2018, do total de 1.858.077 que houbo a nivel nacional, un 6,2% superior en relación ao mesmo mes do ano pasado. Dos contratos realizados en Galicia, 74.203 foron temporais e un total de 8.198 indefinidos.

Mentres, de acordo cos datos do Ministerio de Traballo, Migracións e Seguridade Social, o número de beneficiarios dunha prestación por desemprego en Galicia sitúase en 89.803 persoas.