​Villarejo espiou a Moncloa, PP e PSOE para protexer ao BBVA

|

O ex comisario José Manuel Villarejo, actualmente en prisión, tiña picados os teléfonos de Moncloa, PP e PSOE por suposto encargo do BBVA, o que se denominou operación Trampa.


Villarejo


Así o revelaron 'El Confidencial' e 'Moncloa.com', que explican que o obxectivo desta operación era obter información para que a dirección do banco resistise os intentos de Sacyr para facerse co control do accionariado da entidade e prescindir así de Francisco González como conselleiro delegado.


Isto supuxo a intervención e escoita de 15.000 chamadas telefónicas a uns 4.000 números de xornalistas, políticos e empresarios.


Na época en que era presidente do Goberno José Luis Rodríguez Zapatero non se puideron escoitar as chamadas telefónicas do presidente porque a seguridade ten blindado o seu despacho, pero si se puideron picar as chamadas de central da residencia de Moncloa.


As centrais do PP na rúa Xénova e do PSOE na rúa Ferraz tamén foron intervidas, polo que se controlaron as chamadas entrantes e saíntes e tívose acceso ás conversacións dos principais partidos políticos do país.


O equipo da operación Trampa tiña oito dispositivos de captación, doce coches e cinco motos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress