O SERGAS recoñece unha "retraso puntual" en Urxencias pero bota a culpa a unha avalancha "inusual" de pacientes

|

A Xunta reacciona ás críticas e ás fotos que mostran os corredores de urxencias saturados  no Complexo Hospitalario Universitario (CHUS) de Santiago. Na súa opinión, a asistencia sanitaria segue sendo "de calidade e adecuada", a pesar de admitir un problema "puntual".



IMG 2164


Foi ás 15 horas do mércores cando se produciu unha "circunstancia totalmente inusual", cando entraron en urxencias 80 pacientes novos "coincidindo co cambio de quenda do persoal".  Ante isto a Xunta recoñece unha "retraso puntual na atención aos enfermos que tiñan que ser atendidos na zona de boxes".


Segundo a plataforma de pacientes do CHUS, houbo enfermos esperaron máis dunha hora a que lles fixesen o triaxe, para clasificar a súa gravidade.Este colectivo cifra en 29 os enfermos que chegaron a acumularse en padiolas e cadeiras de rodas nos corredores. 


En Marea fíxose eco deste problema denunciando "a mala xestión da Atención Primaria por parte do Servizo Galego de Saúde (Sergas) e a negativa para abrir outros espazos para atender os picos de atención".


Desde o SERGAS respóndese negando que falte persoal e camas porque "todos os espazos de urxencias están habilitados" e había "un reforzo de persoal de enfermería de ata cinco profesionais por quenda". Ademais, argumenta que "os enfermos graves non esperan" ao ser atendidos na zona de críticos, onde había sitio libre.


A Xerencia de Santiago de Compostela sinala tamén ademais que, salvo picos puntuais, está a acudir menos xentes que o pasado Nadal. O departamento que dirixe Eloína Nuñez, curmá do presidente de la Xunta, indica  que "había ocos libres" noutros departamentos de urxencias  mentres había padiolas nos corredores.


MANIFESTACIÓN O DÍA 9

A polémica salta a días da manifestación en apoio ás urxencias do CHUS convocada para o día 9. As urxencias santiaguesas acumulan xa oito semanas de folga. Aínda que hai servizos mínimos do 100%, o paro limita por exemplo as horas extras. Por agora e pese ao diálogo, o conflito segue aberto.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress