30 "agresións graves" a funcionarios de prisións en Galicia en 2018
O coordinador da plataforma 'O teu abandono pódeme matar', Marcial González, asegurou este mércores, durante unha concentración ante a subdelegación do Goberno, que no que vai de ano producíronse "máis de 30 agresións graves" aos funcionarios de prisións en Galicia.
Unha pasada protesta dos funcionaios de prisións
Medio centenar de traballadores das prisións de Bonxe e Monterroso, en Lugo, e de Teixeiro, na Coruña, concentráronse ás portas da subdelegación do Goberno na capital lucense para reclamar medidas contra esta situación.
"Ao longo deste ano pasan de 30 agresións graves", dixo, en declaracións aos medios, este funcionario de Teixeiiro, quen confesou que el mesmo sufriu dúas agresións durante 2018.
Neste sentido, relatou como en novembro producíase "un intento de homicidio dun compañeiro", ao cal "lle deron unha puñada na cara". "Tentamos agarrar ao interno, que se revolveu, agarrou polo pescozo ao compañeiro, e eu, para vencer esa resistencia, non fun capaz, dobramos unhas esposas da presión que facía o interno. Dous compañeiros logramos reducilo, sacalo de encima, pero caín lesionado", contou.
Ademais, no mes "de xullo", dixo que lle pasou algo parecido, "con compañeiros que se enfrontaron na porta de internamento cun interno que empezou a cabezazos cun nas costelas, patadas a outro" e golpes para el.
SITUACIÓN EN TODA ESPAÑA
Este é o esbozo que Marcial González fai das prisións en Galicia, que non difire moito do que acontece en España, onde "se produce unha agresión grave diaria", polo que reclaman, ademais de melloras salariais, que se incremente o número de funcionarios nos cárceres españois.
Tamén reprochou ao Secretario de Estado de Institucións Penais que considere que "hai menos dunha agresión ao día", argumentando "se 300 ao ano non lle parecen suficientes". "E falamos das graves, porque sabemos que teñen maquilladas as cifras", sentenciou.
Nestas tres prisións galegas traballan uns 1.000 funcionarios para unha poboación recluída de case 1.700 individuos, 1.200 en Teixeiro, 250 en Bonxe e 210 en Monterroso.
Escribe o teu comentario