A ONCE reparte 40.000 euros en Ourense

Dous cupóns resultaron premiados no sorteo do domingo e deixan un total de 40.000 euros en premios.

Severino Suárez Dominguez, vendedor de produtos de xogo da ONCE na ruta dos municipoios ourensáns de Ribeira de Petín, Vilamartín e Larouco, vendeu dous décimos premiados con 20.000 euros cada un. Así, os 40.000 euros en total recaeron sobre dúas persoas afortunadas que adquiriron o décimo en Ourense.

O premio corresponde a un dos 54 premios de 20.000 euros ás cinco cifras do número premiado na primeira extracción que reparte a ONCE nos seus sorteo da fin de semana, onde o premio principal é ás cinco cifras e serie de 300.000 euros, máis 5.000 euros ao mes durante 20 anos consecutivos a un só cupón do número e serie premiados na primeira extracción.