Folga na TVG e a Radio Galega

Unha asemblea de traballadores aprobou onte a convocatoria dunha folga gradual na Compañía de Radio Televisión de Galicia (CRTVG). Hai convocados paros de dúas horas por quendas para os días 20, 22, 24, 26 e 30 de novembro; e para o 2 de decembro. 

Traballadores secundando un dos #venresnegro en San Marcos

O mércores 19 de decembro haberá un paro de 24 horas. Para esa xornada está prevista unha manifestación en Santiago de Compostela, cuxo percorrido está por decidir. O sábado 22 de decembro haberá tamén paros parciais, o que afectará á cobertura do Sorteo da Lotería de Nadal. Para principios de 2019, o Comité de Empresa xa traballa nunha "gran manifestación".

Segundo explica o sindicato CUT -o máis votado no ente público- os traballadores lanzarán tamén unha Iniciativa Lexislativa Popular. A recollida de firmas buscará buscará "un modelo de medios públicos radicalmente distinto do que están a construír o actual goberno de la Xunta e a actual dirección da TVG". É moi dubidoso que o PPdeG, maioritario na Cámara, permita que a ILP concrétese en algo real.

Moitos dos traballadores da TVG secundarán mañá un novo #venresnegro, en número 25. Nunerosos profesionais vístense de negro, mesmo en pantalla, para denunciar así a suposta manipulación da emisora pública en favor dos intereses do PP galego, unha acusación que tanto a Xunta como a direción de Sánchez Izquierdo rexeitan de plano. O 8 de setembro o persoal acudiu na súa maioría a unha manifestación, que contou co apoio de toda a oposición.