A Igrexa critica o Halloween e reivindica o "Holywins"
A Diocese compostelá reivindica "o carácter relixioso" da festa de Todos os Santos.
A Diocese compostelá reivindica "o carácter relixioso" da festa de Todos os Santos.
Nun comunicado, subliña que, durante os últimos anos, "os intereses comerciais han transformado radicalmente o significado do antigo costume anglosaxón de Halloween" ("All hallow's eve"), palabra proveniente do inglés antigo e que significa "véspera de todos os santos".
"Pasou de ser unha festa cun sentido estritamente relixioso a converterse na celebración da noite do terror, das bruxas e as pantasmas. Un entroido adiantado no que prima o comercial sobre o seu significado primitivo", lamenta.
Por iso, desde a Delegación diocesana de catequese convidan a "recuperar o verdadeiro sentido" da noite do 31 de outubro, véspera da Festa de Todos os Santos, para que se converta na noite de 'Holywins' ("a santidade vence"), e festexar así con nenos e mozos "a chamada universal de todo cristián á santidade".
Con tal fin, expón varias iniciativas que poden realizarse "en familia, en comunidade, na parroquia e na catequese", que inclúen actividades de cociña, lectura e teatro ou debuxo, entre outras.
Escribe o teu comentario