As baixas temperaturas traen o primeiro día de inverno a Galicia

A última fin de semana de outubro chega non só co cambio de hora, senón tamén coas primeiras xornadas de inverno na península, obrigando a todos a sacar o abrigo e arrimarse o brasero para combater o notable descenso das temperaturas. Ademais tocará saír á rúa con paraugas tanto na fin de semana como durante o principio da próxima semana.

Esta fin de semana tocará abrigarse en Galicia

Unha masa de aire ártico chegará á Península Ibérica esta fin de semana, substituíndo á masa cálida dos últimos días, o que provocará un xeneralizado e acusado descenso das temperaturas --tamén en Galicia--, así como significativas nevadas na contorna dos sistemas montañosos do norte peninsular, segundo a predición da Axencia Estatal de Meteoroloxía (AEMET).

O sábado, unha fronte moi activa percorrerá a Península de noroeste a sueste deixando ao seu paso choivas e chuvascos xeneralizados, que poderían ser máis intensos e frecuentes na metade norte e zona centro peninsular e que serán pouco probables no extremo sueste.

Tras o paso da fronte producirase unha irrupción de aire frío na Península cun descenso acusado e xeneralizado das temperaturas, que se notará tanto na Península como en Baleares, un cambio que ademais será notable en amplas zonas do interior peninsular. En consecuencia, a cota de neve poderá baixar ata os 1.000 metros, dando lugar ás primeiras nevadas de importancia no norte.

Segundo advirte a AEMET, é probable que a situación invernal continúe, polo menos, durante os primeiros días da próxima semana.