A Xustiza investiga ao humorista Carlos Santiago polo seu pregón de Entroido de Compostela

A mesma asociación que sentou a Willy Toledo ante os tribunais, vai camiño de lograr o mesmo co galego Carlos Santiago. Un xulgado da capital de Galicia admitiu a trámite a súa querela contra polo seu discurso, no que -tirando de retranca- burlouse do Apóstolo e á Virxe.

Por exemplo, o dramaturgo insinuou que a Virxe do Pilar practicáballe sexo oral ao santo. Fíxoo durante o seu pregón, que daba pistoletazo de saída ás festas de Entroido no Concello de Santiago.

Pregón de Carlos Santiago

ACUSACIÓN DE COLECTIVO DE AVOGADOS CRISTIÁNS

A Asociación Española de Avogados Cristiáns, que ten como obxectivo defender "no ámbito xurídico os valores inspirados no cristianismo", confiou en que, tras admitirse a trámite a querela presentada, o proceso xudicial termine nunha "condena" para o humorista Carlos Santiago polo seu pregón de Entroido pronunciado este ano.

Segundo informaron nunha nota de prensa, os xulgados admitiron a trámite a querela interposta contra o humorista por "cometer un presunto delito de inxurias, incitación á discriminación e contra os sentimentos relixiosos".

A denuncia produciuse a raíz do pregón pronunciado con motivo do Entroido do pasado mes de febreiro desde o Pazo de Bendaña, na capital compostelá. Avogados Cristiáns denuncia que se pronunciaron "burlas cara á Igrexa católica e cualificativos eróticos e soeces que atentaban contra o Apóstolo, a Virxe María e A nosa Señora do Pilar".