Denuncian a privatización do servizo de psicoloxía no SERGAS

Mentres a sanidade pública a penas convoca prazas para psicólogos, firma á súa vez convenios con entidades privadas para atender a persoas con "enfermidade avanzada".

Así o denunciou onte a deputada de En Marea, Eva Solla, facéndose eco das denuncias da comisión de persoal de Complexo Hospitalario Universitario da Coruña (CHUAC) .  Na súa opinión, estamos ante unha "privatización encuberta do servizo" mediante convenios con organismos como Cruz Vermella para a "atención psicosocial de persoas con enfermidade avanzada". 

“Necesitamos máis prazas de psicólogos clínicos en Galicia e o que fai o PP é privazar este servizo", quéixase a deputada. Segundo o Colexio Oficial de Psicoloxía  de Galicia, a autonomía está á cola de España no número de profesionais. 

A política de Esquerda Unida tamén relaciona este tipo de convenios coa precariedade no SERGAS, porque prazas públicas supoñerían "máis postos de traballo en mellores condicións".