A Ribeira Sacra soa a folk grazas a 'Luar na Lubre'

|

O grupo, referencia neste estilo en Galicia, presentará o vindeiro xoves o seu último disco no Auditorio Municipal de Vilagarcía de Arousa. Artistas como Victor Manuel, SES ou Nani García colboran no disco. 


Luar na LubreImagemgp 1

Compoñentes do grupo 'Luar na Lubre'


'Luar na Lubre', unha das bandas de referencia da música folk de Galicia, publicou en maio un disco dedicado á Ribeira Sacra, que presentará no Auditorio Municipal de Vilagarcía de Arousa (Pontevedra) este xoves 11 de outubro.

Nun comunicado, Komunika Kultura explicou que a banda, liderada por Bieito Romeu, gravou en outubro de 2017 este novo traballo discográfico no Mosteiro de San Pedro de Rocas (Esgos, Ourense), que ten como obxectivo poñer en valor a través da música a riqueza histórica, etnográfica, natural e monumental deste territorio.

Este novo disco inclúe 26 temas que proveñen de composicións propias, música tradicional e melodías "que van lembrar e remarcar todo o patrimonio que temos na Ribeira Sacra", en palabras de Bieito Romeu, que destacou que esta é a primeira vez que se fai un disco destas características para potenciar e difundir a Ribeira Sacra a través da música, un territorio que "é desde sempre patrimonio da humanidade, aínda que oficialmente aínda non".

A idea é "poder falar coa grandeza da Ribeira Sacra, pontenciándola a través da música", segundo explicou Komunika Kultura. 'Ribeira Sacra' conta con ducias de colaboradores que achegan o seu grao de area ás 26 cancións deste disco: desde Víctor Manuel ata SES; pasando pola Coral de Ruada, Nani García; a asturiana Marisa Vale Roso; ou Juan A. Antepazo, de Astarot; Irma Macías Suárez; Brais Maceiras, entre outros.

Bieito Romeu remarcou na presentación que tivo lugar en Ourense que esta gravación "tocoume no corazón, porque as miñas orixes están na Ribeira Sacra e, ademais, para todos, supuxo un proxecto moi especial, porque empezamos a traballar nel na data en que os incendios fixeron estragos en Galicia, e o feito de estar nun territorio de alto valor natural, como é a Ribeira Sacra, que nos fixo arrincar con moita tristeza".

Romeu lembrou a labor etnográfico e de recollida de sons naturais e testemuñas que enriqueceron este traballo musical. "Fomos polas aldeas para falar coa xente, recollemos sons de vento, carros, campás, e tamén imaxes de nevaradas, amenceres..., de tal modo que neste traballo mestúrase a música co ambiente da Ribeira Sacra". A súa pretensión, termina, "foi alcanzar unha banda sonora humana e natural".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress