Arrincan as festas do San Froilán 2018 de Lugo

Homes G, Rozalén, Jotamaúscula, Marky Ramone, Heredeiros da Crus, Fanfare Ciocarlia e Sweet Califorina son algúns dos nomes detacados das festas de Lugo.  O programa de o San Froilán 2018 empeza este xoves e suma máis de 270 actos.

A edil da cidade, a socialista Lara Méndez,  espera un "éxito" de público e de convivencia, segundo dixo na presentación do programa definitivo. Este xoves comezan as festas co pregón de Manuel Lombao.

"Son as festas que estamos a esperar todos os galegos e doutras comunidades. O programa convida a vir e a participar neses máis de 270 actos que imos ter durante eses nove días de festas e de animación na rúa", apunta a rexedora.

SEGURIDADE

En canto á seguridade, a alcaldesa garantiu que será como "todos os anos", pois "hai unha máxima que é garantir a seguridade de todos os lucenses e todos os visitantes, nuns días en que a cidade vai estar máis concorrida".

"A seguridade ten que primar por encima de todo, cando a situación de alerta séguese mantendo en todo o ámbito estatal e non somos alleos a esa circunstancia", incidiu.

Pola súa banda, o comisario da Policía Nacional, Antonio Villamarín, informou de que se montará "un dispositivo como anos anteriores", con reforzo da Policía Autonómica e colaboración da Policía Local.

Villamarín detallou que os dispositivos tamén estarán en función do "nivel catro antiterrorista", polo que "loxicamente hai que tomar as medidas adecuadas, cunha serie de puntos que poden ser máis vulnerables", onde estarán "con vehículos ou con valos".

Heredeiros da Crus