Homenaxe a Moncho Valcarce en contra da Mina de Touro - O Pino

|


Moncho valcarceA Plataforma Mina de Touro -  O Pino Non en colaboración coa Irmandade Moncho Valcarce organizan unha homenaxe ao párroco e político galego Moncho Valcarce.


O acto, que terá lugar o 4 de setembro ás 19.30h no Museo do Pobo Galego -en Compostela-, será presentado por Iolanda Aldrei. Pola Irmandade, falarán Xácome Santos e Xosé Bocixa, e participarán diversas personalidades da cultura de Galicia. Luz Fandinho, Leo Arremecághona, Laura Rey Pasandín, Ramiro Vidal ou Concha Rousia estarán presentes entre máis de vinte persoas. 


Así mesmo, o evento contará cun micro aberto "para gritar tamén Mina Non", segundo explican desde a organización. 


Moncho Valcarce, nado na Coruña en 1935, foi un párroco con unha gran implicación no movemento antifranquista. O sacerdote chamou a atención por falar en galego, non utilizar o vestiario tradicional de curas e levar boina, así como por negarse a cobrar a paga de sacerdote e as taxas polos servizos relixiosos. 


En 1974 foi detido nunha reunión nunha adega dun antigo Garda Civil, feito que o levou a implicarse nas estruturas políticas nacionalistas. En 1977, Valcarce é apresado de novo no conflito das Encrobas, unha serie de manifestacións por mor dun decreto asinado por Franco que expropiaba as terras de campesiñas e campesiños a cambio de baixas indemnizacións. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress