O centro de menores de Monteledo "aforra" en persoal por baixo do convenio

"Non é tolerable que unha fundación aforre non contratando persoal cando recibe diñeiro público precisamente para iso"


|

Paula Vázquez Verao, deputada de En Marea, en rolda de prensa


En Marea denunciou os "incumprimentos en materia de persoal" nos que está a incorrer a fundación que xestiona o centro de reeducación de menores de Monteledo, en Ourense, e instou á Xunta a "tomar cartas no asunto para finalizar con esta fraude e garantir a idónea calidade educativa".


A deputada Paula Vázquez Verao levará ao Parlamento unha situación que considera "inaceptable", derivada da non cobertura das vacacións, e que sitúa as cifras de persoal "por baixo das fixadas no convenio".


"Non é tolerable que unha fundación aforre non contratando persoal cando recibe diñeiro público precisamente para iso", dixo a deputada, que reclamou á Xunta que "esixa o cumprimento do convenio e que impulse unha inspección e unha auditoría económica no centro de Monteledo".


Ademais de "incumprir as cifras acordadas" en relación ao número de profesionais que traballan nesas instalacións, desde que estas están a ser xestionado pola Fundación Diagrama, dixo Vázquez Verao, aumentaron " as baixas laborais e os expedientes de faltas incoados a menores internos". "Hai, por tanto, unha evidente diminución da calidade educativa, e a Xunta é a responsable última" da situación, resolveu.


A Fundación Diagrama fíxose coa adxudicación da xestión do centro de reeducación de Monteledo, entre outras cuestións, por ofertar dous educadores a maiores dos 32 que se esixían na convocatoria, lembra En Marea. "Pero a realidade é que, ao non substituír as vacacións, non hai 34 profesionais, senón 5,9 menos" dos que debería.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE