Coñece os horarios da Supercopa Endesa

A ACB desvelou este martes os horarios da Supercopa Endesa, primeiro torneo oficial da tempada de baloncesto que se disputará os días 21 e 22 de setembro no pavillón Fontes do Sar de Santiago de Compostela.

Así, as semifinais disputaranse o venres 21 ás 19.00 e 21.30 horas, mentres que a final está programada para o sábado 22 ás 19.15, unha hora despois da celebración do Concurso de Triplos O Corte Inglés. Toda a acción emitirase en directo en #Imos, a nova canle de Movistar+.

Antes, Monbus Obradoiro, Real Madrid, Barça Lassa e Kirolbet Baskonia coñecerán os seus rivais o vindeiro mércores 12 de setembro ás 11.30 horas, cando realizarase o sorteo de emparellamentos no Concello de Santiago de Compostela.

Real Madrid e Barça Lassa serán cabezas de serie dada a súa condición de vixentes campións de Liga Endesa e Copa do Rey, respectivamente.