Cadea humana por un "pacto global" pola emigración
Este sábado ás 20.00h veciñas e veciños de Vigo uniranse nunha cadea humana diante do concello baixo o lema "Todos somos emigrantes"
Jesús Antonio Fernández Olmedo
Este sábado ás 20.00h o autor Jesús Antonio Fernández Olmedo protagoniza xunto a veciñas e veciños de Vigo unha cadea humana enfronte do concello baixo o lema 'Todos somos emigrantes'. As persoas asistentes vestirán unha camiseta con consígnaa para buscar unha "solución de fondo" ás persoas que chegan cada día a Europa en busca dunha vida segura.
O coñecido como 'Escritor pola unidade' continúa camiñando pola Paz e a Non violencia nunha das varias accións que está a levar a cabo a nivel mundial e que "deica pouco" impulsará en distitnas cidades europeas , onde as persoas terán a oportunidade de "mollarse pola emigración".
"A palabra emigrante ten que ser vista de tres maneiras: o que sae de forma voluntaria, o que sae obrigado e o que sae a punta de arma", afirman desde a organización do evento. Afirman que "xa non vale poñerse como heroes" con argumentos como a agogida, senón que "hai que darlles unha solución de fondo a estas persoas".
No encontro poderanse ver pancartas alusivas a "a inmensa contribución dos emigrantes ás distintas sociedades europeas", e reivindicarase a "necesidade de crear un pacto global pola emigración".
Escribe o teu comentario