A 'vella' Pescanova recorre a sentenza que rexeita a impugnación da ampliación de capital

A 'vella' Pescanova interpuxo un recurso de apelación contra a sentenza do Xulgado do Mercantil número 1 de Pontevedra no procedemento de impugnación de acordos sociais iniciado pola sociedade contra a ampliación de capital de Nova Pescanova, segundo informou á Comisión Nacional do Mercado de Valores (CNMV).

En concreto, a xunta de Nova Pescanova aprobou unha ampliación de capital por compensación de créditos, por un importe de 135,4 millóns de euros que foi asumida integramente polos acredores financeiros da matriz.

A 'vella' Pescanova lembra que non puido participar na devandita ampliación, nin se lle recoñeceu dereito algún de suscripciónpreferente.

Desta forma e como consecuencia da ampliación, a representación da 'vella' Pescanova no capital social de Nova Pescanova reduciuse desde o 20% co que contaba desde os acordos de fusión e dobre segregación aprobados o 29 de setembro de 2015, a un 1,65%.