Rajoy logra unha praza de Rexistrador en Madrid un mes despois de volver traballar

O 19 de xuño o ex-presidente do goberno sorprendía a todos ocupando a súa praza de rexistrador da propiedade en Santa Pola. Pouco máis dun més despois, o político gaña un concurso para traballar en pleno centro da capital de España.

Rajoy no recente Congreso do PP

O expresidente do Goberno e do Partido Popular Mariano Rajoy obtivo praza como rexistrador da propiedade no rexistro mercantil número 5 de Madrid, situado en pleno Paseo de Castilla.

GAÑADOR ENTRE SESENTA SOLICITANTES

Así consta nunha resolución do concurso da Dirección Xeral dos Rexistros e do Notariado, recollida por Europa Press, na que, entre os máis de sesenta solicitantes, figura Rajoy, que na actualidade ostenta unha praza de rexistrador nun localidade de Santa Pola (Alacante).

Deste xeito, o expresidente da formación popular podería deixar a cidade alacantina á que se trasladou hai pouco máis dun mes para reincorporarse á súa praza.

A SÚA IRMÁ TRABALLA EN XETAFE

O exjefe do Executivo pediu o seu reingreso no corpo de rexistradores da propiedade tras 35 anos en primeira liña política e despois de presentar a renuncia ao seu escano no Congreso dos Deputados e de deixar a presidencia do Partido Popular.

De acordo co documento que recolle o portal web do Ministerio de Xustiza, ademais de Mariano Rajoy conseguiría praza no rexistro da propiedade de Madrid número 54 a súa irmá Mercedes Rajoy, actualmente en Xetafe.