A actriz Nerea Barros dá o pistoletazo de saída ao Apóstolo 2018

As festas do Apóstolo 2018 comezaron oficialmente este mércores na Praza do Obradoiro co pregón da actriz Nerea Barros. A picheleira declarouse "emocionada" por poder vivir "unha das noites máis especiais e emocionantes" da súa vida, desde un balcón de Raxoi no que a acompañaban, entre outras, o alcalde de Santiago Martiño Noriega. 

As varandas do Concello, igual que a praza, estaban cheas de xente que acudiu a oír as palabras de Barros. "Santiago é a miña esencia, como persoa, como muller e como actriz", dixo. Tras uns minutos de discurso, que contaron coa tradución simultánea a lingua de signos, as luces do Obradoiro caeron á vez que a noite para dar paso a uns fogos artificiais, que marcaban o inicio das festas. 

A gran Bette Smith foi a primeira artista en subirse a un escenario nestes festexos. Fíxoo en tamén no Obradoiro, acompañada dos seus cinco músicos e ritmos de soul, gospel e blues diretamente desde Mississippi, a súa cidade musical adoptiva.