A Xunta nega "irregularidades" nas oposicións salvo "cuestións moi puntuais"

A Consellería de Educación reacciona ás denuncias de varios sindicatos sobre problemas e "irregularidades" nas actuais oposicións. O conselleiro asegura que, considerando a escala do proceso selectivo, non hai problemas importantes.

"As oposicións este ano están a se desenvolver con total normalidade máis aló de cuestións moi puntuais", repite Román Rodriguez. O mandatario relativiza esas "cuestións puntuais" fronte ao volume dunha selección "que engloba a moitísimas persoas, hai máis de 15.000 opositores,  hai máis de 130 tribunais, que son soberanos e autónomos nas súas decisións".

Este matiz, que os tribunais formados por funcionarios que valoran os exames son "soberanos e autónomos", é destacado unha e outra vez polo conselleiro. Cando a prensa o apreta e cuéstionalle polos supostos casos de exames onde o tribunal non vixiou aos opositores, Rodríguez admite que "non hai un control milimétrico e absoluto das súas accións" antes de reitar que "desenvolven o seu traballo con total garantía e normalidade". 

QUEIXAS LOXÍSTICAS PERO TAMÉN SOBRE O NÚMERO DE APROBADOS

Unha de as queixas de a Unión Sindical de Docentes de Galicia (USDG)  son as deficiencias loxísticas, como a excesiva calor nas aulas, que sufriron os candidatos. Sobre isto, Rodríguez admite que "puido haber algún problema algún día" aínda que se escusa dicindo que "as condicións técnicas e climáticas" non son previsibles.

Tanto USDG como FESP UXT Galicia alertaron tamén dos poucos opositores que superaron as primeiras probas nalgunhas especialidades. O primeiro deses sindicatos mesmo fala dunha verdadeira "escabechina". O político non se pronunciou sobre as notas publicadas.