Catro docentes galegos viaxan a Xenebra para fomentar vocacións científicas no seu estudantado

Profesorado que viaxou a Xenebra

Catro docentes galegos forman parte do grupo de 18 profesores e profesoras de todo o territorio nacional que viaxaron a Xenebra o pasado día 24 para a asistir a un programa de formación de alto nivel na sede da Organización Europea para a Investigación Nuclear (CERN). 

O profesorado, que foi bolseiro pola Fundación Aquae para a viaxe e volve este venres 29, ampliará a súa formación en física, enxeñería e computación. O obxectivo é que aprendan ferramentas para que á súa volta poidan transmitir os seus coñecementos nas aulas, "fomentando así", segundo explica Viaqua, "as vocacións científicas e tecnolóxicas entre os seus estudantes".

"A moitos estudantes a ciencia asústalles e, dado que vivimos nunha sociedade totalmente tecnificada, é clave que a comprendan", expresou David Cale, membro do Consello de Estratexia e Supervisión da Fundación Aquae. Os docentes viaxaron ao maior laboratorio de investigación en física de partículas para asistir a clases maxistrais, conferencias, talleres prácticos, sesións de discusión e exposicións, pero tamén para visitar o acelerador de partículas, construído baixo terra. 

Desde o IES Arcebispo Xermírez I o Instituto Plurilingüe Rosalía de Castro en Santiago e o IES Eduardo Pondal en Ponteceso, os bolseiros galegos volverán desta viaxe con "novas formas para inspirar e motivar aos seus alumnos no achegamento ás materias de Ciencias", como explica Rúa.