Este xoves arrinca a feira Semana Verde con máis de 700 expositores e 200 actividades
A 41ª feira Internacional Abanca Semana Verde de Galicia contará con 710 expositores directos e 331 firmas representadas de 20 países diferentes
A 41ª feira Internacional Abanca Semana Verde de Galicia arrinca este xoves 7 de xuño con 710 expositores directos, un 11,4% máis que en 2017, e 331 firmas representadas de 20 países diferentes.
En Silleda reuniranse empresas e marcas de numerosos sectores, que van desde gandería, biomasa, mascotas, xardinería ou pequena maquinaria e ferramenta ata decoración, mobiliario e artesanía, ademais doutros produtos e servizos.
Ademais dos certames paralelos Salimat Abanca, Fecap Abanca, Turexpo Galicia e Festur, durante a Semana Verde celebraranse 200 actividades distintas, como exhibicións de cans, mostras de cabalos, e exposicións de vacas de raza Loura Galega, entre outras.
A inauguración será o xoves as 16.30 horas, e desde a organización confían en que a feira volve converterse " no gran certame multisectorial de mostras e lecer do noroeste peninsular".
Escribe o teu comentario