O goberno impulsa mecenas privados no SERGAS

|

O PPdeG presentou unha iniciativa no pleno para pedir á Xunta que fomente "e acolla de forma complementaria" todas aquelas accións de mecenado para a sanidade pública "que redunden nunha mellora do servizo ao paciente".



Jesús Vázquez Almuíña, en entrevista na Cadea Ser

O conselleiro de Sanidade da Xunta



A proposición non de lei, que será votada na xornada do mércores e previsiblemente sairá adiante debido a que é autoría do grupo maioritario, precisa que a solicitude ao Goberno galego faise de maneira "paralela" ao investimento público en tecnoloxía sanitaria.


Na súa intervención, a popular Encarnación Amigo fixo fincapé en que o mecenado, ao seu xuízo, debe ser concibido como "complemento ao financiamento público da sanidade galega".


RESPOSTAS DA OPOSICIÓN

Pola súa banda, a nacionalista Montse Prado criticou que as propostas dos populares vaian --segundo dixo-- "na dirección" da privatización, "coa que está a caer" na sanidade, antes de preguntarlles "por que non traen aquí unha lei de mecenado".


Na súa quenda, o socialista Julio Torrado advertiu que "o que non se debe apoiar" son accións que van "en beneficio particular", opinou que o mecenado debe ser un elemento "conxuntural e non estrutural" e avogou por concretar os obxectivos da proposta popular. "Fomentar queda nunha declaración de intencións", expuxo.


A deputada de En Marea Eva Solla puxo en cuestión a "os supostos filántropos", nun debate que tivo as doazóns de Amancio Ortega ou a campaña para a biopsia líquida como pano de fondo.


"Non estou a favor deste modelo", sentenciou, sobre algo ao que se referiu como "beneficiencia", poñendo o foco na denuncia pola "infrafinanciación" da sanidade.


"PREXUÍZOS IDEOLÓXICOS"

Por último tomou a palabra de novo Amigo, quen subliñou que "a colaboración público-privada axuda a facer sustentable a renovación tecnolóxica nos hospitais".


Á marxe disto, concluíu cunha pregunta para a oposición relativa ao mecenado: "Van poñer os seus prexuízos ideolóxicos por encima das posibilidades de mellora para a cidadanía?", resolveu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress