O SERGAS envía SMSs para informar dos resultados das operacións
O Complexo Hospitalario Universitario da Coruña (Chuac) puxo en marcha o programa 'Lembra' para o aviso aos móbiles dos acompañantes dos pacientes cirúrxicos sobre a evolución da súa intervención.
O Complexo Hospitalario Universitario da Coruña (Chuac) puxo en marcha o programa 'Lembra' para o aviso aos móbiles dos acompañantes dos pacientes cirúrxicos sobre a evolución da súa intervención.
Segundo informou o complexo nun comunicado, trátase dunha plataforma de comunicación baseada no envío de SMS que chegan ao teléfono da persoa que o paciente ou os seus achegados designaron como contacto.
O obxectivo desta iniciativa é "manter informados os acompañantes dos pacientes do curso da cirurxía sen que teñan que estar fisicamente na sala de espera de quirófanos durante todo o tempo da intervención".
As mensaxes son enviadas desde o computador do quirófano mediante a plataforma 'Lembra' polo que a comunicación entre o equipo cirúrxico encargado da intervención do paciente e a familia é "directa e rápida".
Escribe o teu comentario