Puigdemont sae de prisión
Di que "é o momento do diálogo" para atopar unha solución política e non xudicial nin penal ás reivindicacións soberanistas.
O expresidente de Catalunya Carles Puigdemont xa pagou a fianza e ás 13.51 abandonou a prisión do norte de Neumünster por orde do Tribunal Rexional Superior (OLG) de Schleswig-Holstein, no norte de Alemaña.
Ás portas da prisión, Puigdemont agradeceu en primeiro lugar o respecto e a profesionalidade dos funcionarios de prisións que lle atenderon, e destacou que "é unha vergoña para Europa ter presos políticos".
Dixo que "é o momento do diálogo" e "é o momento de facer política" para atopar unha solución política e non xudicial nin penal ás reivindicacións soberanistas.
Durante a súa intervención, integramente en inglés, pediu "a liberación inmediata de todos os compañeiros que continúan nas prisións españolas”.
Este xoves, o Tribunal Rexional Superior (OLG) de Schleswig-Holstein ditara a liberdade baixo fianza de 75.000 euros para Puigdemont, á vez que indicou que a extradición a España era posible en base ao delito de malversación, pero non ao de rebelión.
Puigdemont prevé comparecer en rolda de prensa este venres ás 18 horas desde Neumünster cando salga do cárcere.
Á súa saída do centro penal, o presidente foi recibido por unha delegación de deputados de JxCat, ERC e Demòcrates.
Escribe o teu comentario