Quen tirou un gato ao lixo dentro dunha bolsa? O Concello de Redondela busca aos responsables

O Concello de Rendondela (Pontevedra) solicitou colaboración cidadá para localizar aos responsables dun "caso grave" de malos tratos animais.

Segundo informou o consistorio nas súas redes sociais, na mañá deste mércores atoparon nun colector de Cesantes unha cría de gato dentro dunha bolsa amarrada cunha brida.

O animal foi trasladado a unha clínica veterinaria e o Concello lembra que estes actos son constitutivos dun delito segundo a Lei de Benestar Animal.