Profesionais do submarinismo choran a morte de José Luís González, o mergullador falecido este sábado na ría de Vigo

A Federación Galega de Actividades Subacuáticas chora o falecemento de José Luís González, o mergullador que perdeu a vida este sábado na ría de Vigo mentres realizaba actividades de mergullo fronte á costa de Moaña.

O falecido foi vicepresidente da Federación e campión do mundo de Fotografía Submarina. Os seus compañeiros da Fegas o reucerdan como un "gran divulgador", considerado "un dos mellores fotógrafos submarinos do mundo".

Nacido en 1952 na cidade de Oviedo, estudou Enxeñaría e foi perito na fábrica de Citroën de Vigo, director da semana do cine submarino de Vigo e vicepresidente da Fegas.

A entidade destacou as súas participacións e logros en distintas competicións: Campión de España de Fotosub en 1993, 1997, 1990, 1991 e 1997; #BBC Wildlife en 1999, 2000 e 2001; dúas medallas prata no Campionato do Mundo de Fotosub en 1994; unha medalla de prata no VII-Cto. mundial do Fotosub en Noruega en 1998, ou o campionato do mundo no IX Campionato Mundial de Fotografía Submarina en Marsella en 2002.

Así, a Federación transmitiu de parte de toda a comunidade galega de actividades subacuáticas a súa máis sentido pésame pola súa perda e agradeceu a José Luís González "o seu legado".