Achan o corpo sen vida do home de 60 anos desaparecido en Dumbría

O corpo dun home de 60 anos que desaparecera foi achado no municipio coruñés de Dumbría este mércores.

Segundo informou o 112, o servizo tivo constancia da súa desaparición ao redor das 19.20 horas, na zona de Chaín, na parroquia de Berdeogás.

Pasouse a información ao Servizo de Urxencias Sanitarias de Galicia-061, á Garda Civil e á Agrupación de Voluntarios de Protección Civil de Dumbría.

Horas máis tarde, os servizos de emerxencias informaron de que atoparan o corpo nun río da zona. Con isto, informouse aos bombeiros de Cee para que acudisen ao momento, onde rescataron o corpo.