Pelexa entre "dous grupos de ideoloxía diferente" en Santiago que mobiliza á Policía Nacional

Un enfrontamento no Centro histórico de Santiago entre "dous grupos de ideoloxía diferente", segundo informa a Policía Nacional, derivou nunha pelexa na que, a pesar de non haber feridos graves, un dos seus participantes empregou gas pementa.

Axentes manteñen aberta unha investigación para esclarecer a identidade dos participantes, aínda que non se presentaron denuncias polo sucedido. Polos primeiros indicios, barállase que un dos grupos poida ser de ideoloxía neonazi ou de extrema dereita.

En base ao relato policial, na tarde do sábado, unha discusión mantida na rúa do Franco entre estes dous grupos escalou até terminar unha pelexa, na que se propinaron puñadas. Durante o transcurso da mesma, unha persoa chegou a asperxer gas pementa.

Cando chegaron os axentes, só permanecía no lugar un dos grupos, entre o que había persoas con lesións leves. Fontes policiais remarcan que, en calquera caso, non se utilizou ningunha arma branca e o enfrontamento saldouse finalmente sen denuncias interpostas nin feridos de gravidade.