Axuda para localizar a Clotilde, a muller de Lalín de 53 anos desaparecida desde o luns
As autoridades están a empregar drones para localizar á muller, á que se lle perdeu a pista tras saír de traballar.
Un amplo dispositivo, que inclúe drones, busca a unha muller de 53 anos desaparecida en Lalín (Pontevedra), Clotilde Teixeira.
Segundo informa o 112 Galicia, preto da medianoite entre o luns e o martes, un familiar alertou de que viran á muller por última vez ao mediodía e que afacía saír a camiñar pola zona.
Deste xeito, activouse un operativo coordinado pola Garda Civil e no que participan, ademais dos drones da Axencia Galega de Emerxencias (Axega), o Grupo Especial de Localización e Rescate (GERL) da ONG Intervención, Axuda e Emerxencias, o servizo municipal de Protección Civil de Lalín e os voluntarios de Protección Civil de Agolada.
Pola súa banda, o Concello de Lalín explica que a muller reside na rúa Areal, onde o seu marido a botou en falta a última hora do día. Vestía jersei azul de pescozo alto, cazadora, pantalón gris e botas negras.
Escribe o teu comentario