Un ciclista resulta ferido tras ser atropelado por un vehículo en Palas de Rei
O ferido foi trasladado ao hospital Lucus Augusti nun helicóptero medicalizado
Un ciclista resultou ferido este domingo despois de ser atropeyado por un vehíuclo no municipio lucense de Palas de Rei. O ferido foi trasladado en helicóptero até o Hospital Universitario Lucus Augusti.
O central de emerxencias tivo constancia dos feitos a través da chamada dun particular, xusto despois das 15:00 horas. Na Avenida de Compostela, a estrada N-547, un vehículo atropelara a un ciclista que, segundo confirmaron pouco despois os servizos sanitarios, quedou tendido sobre o solo, inconsciente.
O servizo solicitou a colaboración dos servizos sanitarios, da Garda Civil de Tráfico, do GES de Friol-Pas e da Agrupación de Voluntarios de Protección Civil de Palas de Rei.
Os servizos de emerxencias sanitarias comunicaron a saída do helicóptero medicalizado con base en Santiago de Compostela, que tomou terra nas proximidades do lugar do accidente e que finalmente trasladaría ao ferido até o centro hospitalario lucense.
Pola súa banda, os efectivos do GES de Friol e de Protección Civil que participaron neste operativo encargáronse da limpeza da vía.
Escribe o teu comentario