O pirómano do Barbanza ataca de novo? Un coche estacionado reducido a cinzas en Ribeira de madrugada
Nos últimos meses déronse distintos episodios de mobiliario urbano ou colectores incendiados na Pobra e Ribeira. O coche desta noite podería arder de maneira intencionada.
Un vehículo estacionado en Ventín, na parroquia de Palmeira do municipio coruñés de Ribeira, ardeu durante a madrugada deste luns.
Segundo informa o Consorcio Contra Incendios e de Salvamento da Coruña nun comunicado, os bombeiros do parque provincial de Ribeira acudiron ao lugar para apagar o lume.
O 112 avisou ás 4,47 horas deste suceso. O coche quedou totalmente calcinado, aínda que non houbo persoas afectadas. No operativo participaron Policía Nacional e Local de Ribeira.
Escribe o teu comentario