Falece un home tras caer ao mar co seu coche en Boiro
O morto era o único ocupante do vehículo.
Un home faleceu tras caer ao mar co seu coche, que quedou mergullado a un catro ou cinco metros de profundidade, no porto de Escarabote, pertencente á localidade coruñesa de Boiro.
Segundo informou o 112, foi un particular o que ao fío das 23,15 horas do venres deu a voz de alarma e indicaba que un vehículo acababa de caer ao mar.
A central de emerxencias informou a Urxencias Sanitarias de Galicia-061, aos Bombeiros de Boiro, á Garda Civil, a Salvamento Marítimo, ao Servizo de Gardacostas de Galicia, ao GES de Padrón, ao GAEM de Ribeira e a Protección Civil de Boiro.
O home falecido era o único ocupante do vehículo e as forzas da orde tratan de esclarecer as circunstancias do suceso.
Escribe o teu comentario