O Concello de Santiago precinta a discoteca Vanitas por problemas de seguridade coas saídas de evacuación
Trátase do terceiro local clausurado polo goberno compostelán nas últimas semanas, despois do restaurante Cacao e da discoteca Way Club
O Concello de Santiago de Compostela pechou a discoteca Vanitas, antes coñecida como Apolo, por problemas de seguridade nas saídas de evacuación do local.
A Policía Local compostelá procedeu a clausúraa do negocio, situado na rúa Santiago do Estero, no Ensanche, nas últimas horas da tarde do venres, segundo confirmaron fontes do goberno municipal.
Trátase do terceiro local de hostalaría que se clausura nas últimas semansa por orde do departamento de Urbanismo do Concello de Santiago.
Este local súmase ao restaurante Cacao, precintado a semana pasada por segunda vez desde a súa apertura a finais do pasado ano, na Rúa dás Orfas, e tamén a discoteca Way Club, na Rúa Nova, que permanece clausurada desde comezos do pasado mes de decembro por incumprimentos coa normativa vixente.
Escribe o teu comentario