ASGADeD apoia as protestas en residencias e denuncia os cocientes responsables de "úlceras" e "desnutricións"

O pasado 10 de abril comezaron en Galicia as mobilizacións dos traballadores das residencias e centros de día de Galicia nas que denuncian a "ditadura esclavista" na que viven estes profesionais, que demandan máis medios e melloras salariais nun contexto onde, aseguran, o colectivo está hoxe peor que durante as crises da Covid-19. Ademais da protesta do xoves pasado, os días 22 de abril, ademais do próximo 7 de maio e 21 de maio, o sector volverá tomar as rúas para pedir condicións dignas que axuden a mellorar a vida dos usuarios, hoxe desatendidos ao non poder chegar a todos os recunchos cos persoais tan curtos que hai nalgúns centros. Ante este panorama, desde a Asociación en Defensa do Sistema Público da Dependencia e Discapacidade (ASGADeD) lanzaron unha mensaxe de "apoio e solidariedade" ás protestas destes meses.

FALTA PERSOAL E ESO PROVOCA DESNUTRICIÓNS, ÚLCERAS...

Desde ASGADeD defenden que a asociación persegue "a defensa dos intereses e a calidade dos coidados prestados ás persoas usuarias con discapacidade e/ou dependencia", polo que entenden que estas mobilizacións ten un obxectivo común pois existe unha "íntima relación" entre "a calidade da atención aos usuarios e o feito de que o persoal que traballa nas residencias e nos centros de día teña unhas condicións salariais e laborais dignas".

"A actual precariedade salarial e laboral das persoas que traballan na dependencia é un rechamante aspecto do sistema galego de dependencia, que está caracterizado por uns salarios moi baixos e unhas cargas de traballo moi elevadas debido a uns cocientes de persoal, por persoa usuaria, baijísimos e sen actualizar desde hai moitos anos", lamentan desde ASGADeD, que reprocha á Consellería de Política Social a súa permisividad coas empresas privadas que protagonizan o sector dos coidados en Galicia. 

"Limítase a actuar como un mero “esponsor” que lles transfire recursos públicos a esas empresas", reprenden desde a organización, á vez que esixe a contratación de máis persoal nos geriatricos para que os coidadores poidan dedicar máis tempo e de máis calidade aos residentes. "A realidade é que o persoal coidador sempre vai con prisam posto que teñen que atender a demasiados usuarios en pouco tempo", lamentan, ligando esta circunstancia á "alta prevalencia" de infeccións urinarias ou úlceras entre os maiores e dependentes. 

"Non é materialmente posible cambiar os cueiros ou mobilizar aos pacientes coa frecuencia que sería necesario", achacan desde a asociación, onde tamén pon o foco sobre os casos de deshidratación e desnutrición que se deron en moitas residencias, vinculados tamén a unha falta de atención derivada dos asfixiantes cocientes. A continuación, denuncian o uso de "sujecciones químicas e mesmo físicas" que aínda empregan algúns centros, aplicados en gran medida pola imposibilidade de atender a todos os usuarios en tempo e forma.

"A xente foxe dun traballo esgotador, e que moi frecuentemente acaba causando problemas físicos serios a medio e longo prazo, e que por encima está moi mal pago. A administración e as empresas privadas, con ou sen ánimo de lucro, argumentan que é moi difícil atopar a persoas que queiran traballar nas residencias, pero o que non din é que a causa fundamental de que isto ocorra é que as condicións salariais e laborais que ofertan son dunha alta precariedade", indican desde ASGADeD, que reclama "un convenio xusto" para os traballadores.