Colaboración entre Érguete-Integración e Sergas para a incorporación social a pacientes con trastornos adictivos
Desenvolverán actuacións mediante as cales a poboación reclusa destinataria poderá adquirir ou completar a súa formación e competencias profesionais
O conselleiro de Sanidade, Antonio Gómez Caamaño, e o presidente da Fundación Érguete-Integración, Rubén Cagiao Avendaño, asinaron a renovación do convenio de colaboración entre o Sergas e a fundación para desenvolver programas de incorporación social a pacientes con trastornos aditivos.
Segundo informou a Xunta nun comunicado, o obxecto do convenio é desenvolver, por parte da Fundación, as actividades de seguimento e atención das persoas en tratamento unha vez excarceradas, no ámbito da incorporación social de persoas con trastornos adictivos.
No marco deste convenio, ao que a Xunta destina 126.143 euros para o seu financiamiento, a fundación atendeu o pasado ano a 515 usuarios: 373 homes e 142 mulleres.
Así, desenvolverán actuacións mediante as cales a poboación reclusa destinataria poderá adquirir ou completar a súa formación e competencias profesionais, coñecer a situación do mercado laboral e as técnicas máis axeitadas para acceder ao mesmo, así como recibir apoio específico para o seu proceso de inserción laboral.
Escribe o teu comentario